नेपाल पत्रकार महासंघ धादिङ शाखाको टीम दोस्रो मेयरकप फुटसलमा तेस्रो भएको छ ।

फागुन ६ देखि ९ गतेसम्म धादिङवेशीमा सञ्चालन भएको र नीलकण्ठ नगरपालिकाले आयोजना गरेको फुटसल प्रतियोगीतामा महासंघले तेस्रो स्थान प्राप्त गरेको हाे । तेस्राे स्थानको लागि भएको प्रतिस्पर्धामा गंगाजमुना गाउँपालिका धादिङलाई पराजित गरेकाे हाे ।

नीलकण्ठ नगरपालिकाको टिमसंग पराजित भएपछि महासंघ सेमिफाइनलमा रोकिएको थियो ।

तेस्रो स्थानको उपाधिसंगै टिमले २२ हजार २ सय २२ रुपैया नगद सहित ट्रफी प्रमाण पत्र र मेडल प्राप्त गरेको छ । प्रतियोगितामा एक्सन नेपाल प्रथम हुँदा नीलकण्ठ नगरपालिकाको टिम दोस्रो भएको थियो ।